تعمل ايه لو حولت فلوس بالغلط من انستاباي
السلام عليكم ورحمه الله وبركاته
النصيحة الأهم متنشرش اطلاقا في اي جروب ولا في اي مكان سكرين عملية التحويل ، واللي هيخش يكلمك خاص يقولك اساعدك ومش نساعدك وجيب بيانات ومش هاخد فلوس لحد ما الفلوس ترجع اعرف انه نصاب. الموضوع خطوات وانت فقط تعملها. غير كده نصب وهيقلب الفلوس دي منك لو عرف.
بعد كده في ثلاثة حلول ان شاء الله واحد منهم يكون سبب في رجوع الفلوس ليك:
اولا: ابعتله طلب دفع collect money من البرنامج على نفس عنوان الدفع اللي بعتله الفلوس عليه ، و تحت في النوتس اكتب رقم موبايلك ، وبدل ما في البرنامج هيقولك مدة الصلاحية ساعة خليها شهر.
ونصيحة متنشرش اسم المرسل إليه ولا عنوان الدفع بتاعه عشان النصابين هيروحوا يكلموه على أنهم صحاب الفلوس ، وهيستلموك ويشتغلوك ويحاولوا ينصبوا عليك بطرق كتيرة.
ثانيا: اعمل سيرش في الجروب عن حد بنفس الاسم ، يمكن يكون عضو معانا في الجروب وابعت لكل اللي اسمهم مشابه وان شاء الله يكون حد فيهم ويكون محترم ويرجعلك الفلوس.
ثالثا: اتصل بخدمة العملاء بتاعة البنك ويفضل تروح البنك نفسه ، تقدم طلب أن يتواصلوا مع صاحب الحساب بيسموه احيانا طلب نوايا حسنة ، ويحاولوا معاه لو يقدروا يقنعوه يرجع الفلوس.
راجع البوست ده لمزيد من التفاصيل
https://m.facebook.com/groups/instapayegypt/permalink/856854705828398/?mibextid=Nif5oz
ملاحظة: تم رفض نشر البوست عشان مفيش نصاب يلقط عنوان الدفع ، لو عاوز تنشره ومصر على كده بعد مقريت كلامي فوق والبوست ! بلغني واكتبه تاني وهنشرهولك حاضر على مسؤوليتك.
ورجاء قبل متسالني اي سؤال اقرا البوست ده كمان
https://www.facebook.com/share/p/2QuUzmN6tCd1Rrdm/?mibextid=oFDknk
تعليقات
إرسال تعليق